«Milan» klubining sobiq yulduzi Kaka «rossonerilar» markaziy yarim himoyachisi Luka Modrichning joriy mavsumdagi ishtiroki haqida o‘z fikrlari bilan o‘rtoqlashdi.

«Lukita — bu chinakam tabiat kuchi. Uning ko‘rsatayotgan ishtiyoqi, yetakchilik qobiliyati va albatta, yuqori texnikasini kuzatish juda maroqli. Uning Italiya futbolida ekanligi chempionat uchun juda foydali», — dedi ekspert.

Eslatib o‘tamiz, xorvatiyalik yarim himoyachi 2025 yilning yozida Madridning «Real» klubidan «Milan»ga ko‘chib o‘tgan edi. Joriy mavsumda 40 yoshli Modrich barcha turnirlarda 29 ta o‘yinda ishtirok etib, o‘z hisobiga 2 ta gol va 3 ta golli uzatmani yozdirib qo‘ydi. Futbolchining italyan klubi bilan shartnomasi shu yilning iyun oyigacha mo‘ljallangan.