Londonning «Tottenxem» klubi joriy mavsumda o‘ta muvaffaqiyatsiz ishtirok etmoqda — APLning 29-turida jamoa o‘z maydonida «Kristal Pelas»ga 1:3 hisobida imkoniyatni boy berdi.

London klubining muammolari haqida «Kristal Pelas»ning sobiq futbolchisi Glenn Myurrey o‘z fikrlarini bildirib o‘tdi. U murabbiy iste’fosi haqidagi gap-so‘zlarni o‘rinli deb hisoblamaydi.

«Menimcha, futbolchilar murabbiylar ulardan nima xohlayotganini tushunishmayapti. Shu bilan birga, Tudordan uchta o‘yinda nima kutishganini ham unchalik tushunmayapman. Hozir, atigi uchta o‘yindan so‘ng iste’fo haqida gapirish be’manilik, hatto kulgilidir. Bu uning tayinlanishining o‘zi xato bo‘lganini tan olish bilan barobar bo‘lardi», — deya sobiq futbolchining so‘zlaridan iqtibos keltirmoqda «BBC Sport».