Лондоннинг «Тоттенхэм» клуби жорий мавсумда ўта муваффақиятсиз иштирок этмоқда — АПЛнинг 29-турида жамоа ўз майдонида «Кристал Пэлас»га 1:3 ҳисобида имкониятни бой берди.

Лондон клубининг муаммолари ҳақида «Кристал Пэлас»нинг собиқ футболчиси Гленн Мюррей ўз фикрларини билдириб ўтди. У мураббий истеъфоси ҳақидаги гап-сўзларни ўринли деб ҳисобламайди.

«Менимча, футболчилар мураббийлар улардан нима хоҳлаётганини тушунишмаяпти. Шу билан бирга, Тудордан учта ўйинда нима кутишганини ҳам унчалик тушунмаяпман. Ҳозир, атиги учта ўйиндан сўнг истеъфо ҳақида гапириш беъманилик, ҳатто кулгилидир. Бу унинг тайинланишининг ўзи хато бўлганини тан олиш билан баробар бўларди», — дея собиқ футболчининг сўзларидан иқтибос келтирмоқда «BBC Sport».