Londonning «Tottenxem» klubi Angliya Premyer-ligasi 29-turining yakuniy o‘yinida o‘z maydonida «Kristal Pelas»ga imkoniyatni boy berdi. Ushbu uchrashuvdagi voqealar haqida «shporlar» hujumchisi Dominik Solanke o‘z fikrlarini bildirib o‘tdi.
«Hozir hammamiz qanday xavfli holatda turganimizni anglab yetishimiz kerak. Klub bunday pastki pog‘onalarda yurishga o‘rganmagan. Har birimiz qolgan o‘yinlarda bor kuchimizni berishimiz shart. Biz maydonda o‘z ishimizni bajarishimiz lozim. Yaxshiroq ishtirok etishimiz zarur», — deya Solankening so‘zlaridan iqtibos keltirmoqda «BBC Sport».
Eslatib o‘tamiz, ayni damda «Tottenxem» Angliya Premyer-ligasi turnir jadvalida bor-yo‘g‘i 16-o‘rinni egallab turibdi.
