Лондоннинг «Тоттенхэм» клуби Англия Премьер-лигаси 29-турининг якуний ўйинида ўз майдонида «Кристал Пэлас»га имкониятни бой берди. Ушбу учрашувдаги воқеалар ҳақида «шпорлар» ҳужумчиси Доминик Соланке ўз фикрларини билдириб ўтди.
«Ҳозир ҳаммамиз қандай хавфли ҳолатда турганимизни англаб етишимиз керак. Клуб бундай пастки поғоналарда юришга ўрганмаган. Ҳар биримиз қолган ўйинларда бор кучимизни беришимиз шарт. Биз майдонда ўз ишимизни бажаришимиз лозим. Яхшироқ иштирок этишимиз зарур», — дея Соланкенинг сўзларидан иқтибос келтирмоқда «BBC Sport».
Эслатиб ўтамиз, айни дамда «Тоттенхэм» Англия Премьер-лигаси турнир жадвалида бор-йўғи 16-ўринни эгаллаб турибди.
