"Manchester Yunayted"ning sobiq futbolchisi Roy Kin "Tottenxem"ning muammolari haqida o‘z fikrini bildirdi.

Payshanba kuni "shporlar" navbatdagi mag‘lubiyatni qabul qilib olishdi — "Kristal Pelas" bilan o‘yinda 1:3 hisobi qayd etildi. Igor Tudor jamoasini xavfli hududdan (quyi ligaga tushib ketish zonasidan) atigi bir ochko ajratib turibdi.

"Bu "Tottenxem"ning DNKsiga singdirilgan: ular sizni doimiy ravishda umidsizlikka tushiraveradi", — deya Kin uchrashuv yakunlarini sarhisob qildi.

"Tottenxem" Angliya Premyer-ligasi turnir jadvalida 29 ochko bilan 16-o‘rinni egallab turibdi. Jadvalda ulardan pastroqda faqat "Nottingem Forest" (28), "Vest Xem" (28), "Byornli" (19) va "Vulverxempton" (16) jamoalari joylashgan.

Seshanba kuni "shporlar" Chempionlar ligasi doirasida safarda Madridning "Atletiko" klubiga qarshi bahs olib borishadi.