«Inter» hujumchisi Lautaro Martines Chempionlar ligasida g‘olib chiqishni istayotganini ma’lum qildi. Aynan shu maqsad argentinalik futbolchining asosiy orzusi hisoblanadi.
«Jahon chempionatidagi g‘alaba — futbolda erishish mumkin bo‘lgan eng muhim yutuq. Ammo menda yana bir orzu bor. Bu — Chempionlar ligasidagi g‘alaba. Men hech qachon «Inter» tarixidagi uchinchi to‘purarga aylanaman deb o‘ylamagandim. Lekin astoydil mehnat qilinsa, hamma narsaga erishish mumkin ekan. Sardorlik bog‘ichida maydonga tushayotganimdan faxrlanaman», — deya Lautaroning so‘zlarini keltiradi TuttoMercatoWeb.
Lautaroning «Inter» bilan amaldagi shartnomasi 2029 yilning yoziga qadar mo‘ljallangan.
