«Nyukasl» yarim himoyachisi Sandro Tonali Madridning «Real» klubi e’tiboriga tushdi.

Insayder Nikolo Skiraning xabar berishicha, «qirollik klubi» skautlari italiyalik futbolchining o‘yini bilan yaqindan tanishish uchun «hakkalar»ning so‘nggi uchrashuvlarida ishtirok etishgan. Shunga qaramay, manbaning ta’kidlashicha, 25 yoshli futbolchi uchun asosiy da’vogarlar sifatida mahalliy grandlar — «Arsenal» va «Manchester Yunayted» qolmoqda. Potensial xaridorlar uchun asosiy muammo futbolchining yuqori narxi bo‘lishi mumkin — uning transferi 100 million yevrodan ko‘proqqa baholanmoqda.

Transfermarkt portali Sandro Tonalining bozor qiymatini 75 million yevroga baholagan. Yarim himoyachining «Nyukasl» bilan amaldagi shartnomasi 2028 yilgacha mo‘ljallangan.