«Ньюкасл» ярим ҳимоячиси Сандро Тонали Мадриднинг «Реал» клуби эътиборига тушди.

Инсайдер Николо Скиранинг хабар беришича, «қироллик клуби» скаутлари италиялик футболчининг ўйини билан яқиндан танишиш учун «ҳаккалар»нинг сўнгги учрашувларида иштирок этишган. Шунга қарамай, манбанинг таъкидлашича, 25 ёшли футболчи учун асосий даъвогарлар сифатида маҳаллий грандлар — «Арсенал» ва «Манчестер Юнайтед» қолмоқда. Потенциал харидорлар учун асосий муаммо футболчининг юқори нархи бўлиши мумкин — унинг трансфери 100 миллион евродан кўпроққа баҳоланмоқда.

Transfermarkt портали Сандро Тоналининг бозор қийматини 75 миллион еврога баҳолаган. Ярим ҳимоячининг «Ньюкасл» билан амалдаги шартномаси 2028 йилгача мўлжалланган.