«Tottenxem»ning sobiq hujumchisi Les Ferdinand «shporlar»ning APL turnir jadvalida xavfli hududdan atigi bir ochko masofada turganligi haqida gapirdi.
«Agar [ilgari] ular jon saqlab qolish uchun kurashish haqida o‘ylamagan bo‘lishsa, endi bu achchiq haqiqat ekanligini bilishadi. «Tottenxem»dan doim umidlar katta bo‘lgan, ammo mening fikrimcha, ular bu umidlarni mutlaqo oqlay olishmadi. Ularga qarab turib o‘ylanib qolasan: keyingi o‘yinda natijaga qanday erishish mumkin?
Qachonki siz sirpanchiq yo‘lga tushib qolsangiz va pastga qarab ketayotgan bo‘lsangiz, to‘xtash juda qiyin bo‘ladi. Vaziyatni o‘zgartirishga harakat qilsangiz ham, pastga sho‘ng‘ish davom etaveradi. Murabbiy [Tudor] o‘zining barcha uchta o‘yinida ham tarkibni o‘zgartirib, vaziyatni o‘nglay oladi deb hisoblagan futbolchilarni maydonga tushirdi. Ammo hozircha u to‘g‘ri formulani topa olgani yo‘q», – dedi Ferdinand.
