«Тоттенхэм»нинг собиқ ҳужумчиси Лес Фердинанд «шпорлар»нинг АПЛ турнир жадвалида хавфли ҳудуддан атиги бир очко масофада турганлиги ҳақида гапирди.
«Агар [илгари] улар жон сақлаб қолиш учун курашиш ҳақида ўйламаган бўлишса, энди бу аччиқ ҳақиқат эканлигини билишади. «Тоттенхэм»дан доим умидлар катта бўлган, аммо менинг фикримча, улар бу умидларни мутлақо оқлай олишмади. Уларга қараб туриб ўйланиб қоласан: кейинги ўйинда натижага қандай эришиш мумкин?
Қачонки сиз сирпанчиқ йўлга тушиб қолсангиз ва пастга қараб кетаётган бўлсангиз, тўхташ жуда қийин бўлади. Вазиятни ўзгартиришга ҳаракат қилсангиз ҳам, пастга шўнғиш давом этаверади. Мураббий [Тудор] ўзининг барча учта ўйинида ҳам таркибни ўзгартириб, вазиятни ўнглай олади деб ҳисоблаган футболчиларни майдонга туширди. Аммо ҳозирча у тўғри формулани топа олгани йўқ», – деди Фердинанд.
