«Barselona» ustozi Xans-Diter Flik juma kungi matbuot anjumanida vinger Lamin Yamalning o‘yin vaqtini boshqarish borasidagi savolga javob berdi. Nemis mutaxassisi Yamal doim ham maydonda bo‘lavermasligiga sha’ma qildi.
«Yamalning daqiqalarini nazorat qilish? Futbolchilar va ularning o‘yin vaqtini boshqarish hech qachon oson bo‘lmagan. Men futbolchilar bilan gaplashib turaman. Mening o‘z g‘oyalarim bor va mas’uliyatni o‘z zimmamga olishim kerak. Futbolchilarning o‘zlari ham o‘z o‘yinlarini boshqarishni (kuchni taqsimlashni) bilishlari lozim. Bizga hamma kerak. Men barcha mening rejalarimni bilishini istayman. Ba’zan buni futbolchi bilan birgalikda hal qilamiz, ba’zan esa qarorni faqat o‘zim qabul qilaman», — dedi Flik jurnalistlarga.
Shanba kuni, 7 martda «Barselona» Bilbaoda «Atletik» klubiga qarshi maydonga tushadi.
