«Барселона» устози Ханс-Дитер Флик жума кунги матбуот анжуманида вингер Ламин Ямалнинг ўйин вақтини бошқариш борасидаги саволга жавоб берди. Немис мутахассиси Ямал доим ҳам майдонда бўлавермаслигига шаъма қилди.

«Ямалнинг дақиқаларини назорат қилиш? Футболчилар ва уларнинг ўйин вақтини бошқариш ҳеч қачон осон бўлмаган. Мен футболчилар билан гаплашиб тураман. Менинг ўз ғояларим бор ва масъулиятни ўз зиммамга олишим керак. Футболчиларнинг ўзлари ҳам ўз ўйинларини бошқаришни (кучни тақсимлашни) билишлари лозим. Бизга ҳамма керак. Мен барча менинг режаларимни билишини истайман. Баъзан буни футболчи билан биргаликда ҳал қиламиз, баъзан эса қарорни фақат ўзим қабул қиламан», — деди Флик журналистларга.

Шанба куни, 7 мартда «Барселона» Бильбаода «Атлетик» клубига қарши майдонга тушади.