Hujumchi Rodrigo «Real» klubini tabrikladi. 124 yil avval, 1902 yilning 6 martida Madrid klubiga asos solingan edi.

«124 yillik tarix. Xala Madrid!» — deb yozdi Rodrigo ijtimoiy tarmoqlardagi sahifasida.

Eslatib o‘tamiz, bir necha kun oldin Rodrigo tizzasidan olgan jiddiy jarohati sababli «Real» lazaretiga tushib qolgan edi. Tiklanish jarayoni uzoq vaqt talab etadi va braziliyalik hujumchi Jahon chempionatini aniq o‘tkazib yuboradi.

Rodrigo «Real» safida jami 297 ta o‘yin o‘tkazib, o‘z hisobiga 71 ta gol va 57 ta natijali uzatmani yozdirib qo‘ygan.