Dortmundning «Borussiya» va «Liverpul» klublari sobiq ustozi Yurgen Klopp Madridning «Real» klubi qiziqishlari doirasida turibdi. Sky Sports jurnalistlarining xabar berishicha, «qaymoqranglilar» germaniyalik mutaxassis uchun asosiy da’vogar hisoblanadi.
«Qirollik klubi» Kloppni ancha vaqtdan beri kuzatib kelmoqda. Madridliklarni murabbiyning xarizmasi, shuningdek, yuqori natijalarga erishish qobiliyati o‘ziga jalb etmoqda. Hozircha tomonlar o‘rtasida rasmiy muzokaralar olib borilgani yo‘q.
Kloppning faoliyatidagi so‘nggi klub «Liverpul» bo‘lgan edi. Nemis mutaxassisi 2024 yilning yozida Angliya grandini tark etdi. Ayni damda u Red Bull tizimida faoliyat yuritmoqda.
