Дортмунднинг «Боруссия» ва «Ливерпуль» клублари собиқ устози Юрген Клопп Мадриднинг «Реал» клуби қизиқишлари доирасида турибди. Sky Sports журналистларининг хабар беришича, «қаймоқранглилар» германиялик мутахассис учун асосий даъвогар ҳисобланади.
«Қироллик клуби» Клоппни анча вақтдан бери кузатиб келмоқда. Мадридликларни мураббийнинг харизмаси, шунингдек, юқори натижаларга эришиш қобилияти ўзига жалб этмоқда. Ҳозирча томонлар ўртасида расмий музокаралар олиб борилгани йўқ.
Клоппнинг фаолиятидаги сўнгги клуб «Ливерпуль» бўлган эди. Немис мутахассиси 2024 йилнинг ёзида Англия грандини тарк этди. Айни дамда у Red Bull тизимида фаолият юритмоқда.
