«Bavariya» bosh murabbiyi Vensan Kompani hujumchi Nikolas Jekson haqidagi savolga javob berdi.
24 yoshli futbolchi Bundesliganing juma kungi Myonxengladbaxning «Borussiya» jamoasiga qarshi kechgan o‘yinida (4:1) gol urishga muvaffaq bo‘ldi. Bu hujumchining myunxenliklar safida noyabr oyidan beri urgan ilk goli bo‘ldi.
«U ajoyib o‘ynadi. Shunga amin bo‘ldimki, hatto «Bavariya»da hammasi yaxshi ketayotgan bo‘lsa ham, odamlar doim aybdor qidiradi. Odatda bir yoki ikki futbolchi buning qurboniga aylanadi. Nikolas hech qanday xato qilgani yo‘q: u juda yaxshi mashg‘ulot o‘tamoqda, Afrika Kubogida g‘olib chiqdi. O‘tgan mavsumda Serj Gnabri va Kingsli Koman shunday holatga tushgan edi, endi esa navbat Djeksonga kelibdi. Aslida kiyinish xonamizda muhit juda xotirjam. Jamoada Keyn, Luis Dias va Maykl Olise kabi futbolchilar borligida doimiy ravishda maydonga tushish qiyin, ammo bugun Niko yaxshi harakat qildi va u shu ruhda davom etadi deb umid qilaman», — deya Kompanining so‘zlarini keltirmoqda Bayern & Germany.
Eslatib o‘tamiz, Nikolas Djekson joriy mavsum yakuniga qadar «Chelsi»dan ijaraga olingan.
