«Бавария» бош мураббийи Венсан Компани ҳужумчи Николас Жексон ҳақидаги саволга жавоб берди.

24 ёшли футболчи Бундеслиганинг жума кунги Мёнхенгладбахнинг «Боруссия» жамоасига қарши кечган ўйинида (4:1) гол уришга муваффақ бўлди. Бу ҳужумчининг мюнхенликлар сафида ноябрь ойидан бери урган илк голи бўлди.

«У ажойиб ўйнади. Шунга амин бўлдимки, ҳатто «Бавария»да ҳаммаси яхши кетаётган бўлса ҳам, одамлар доим айбдор қидиради. Одатда бир ёки икки футболчи бунинг қурбонига айланади. Николас ҳеч қандай хато қилгани йўқ: у жуда яхши машғулот ўтамоқда, Африка Кубогида ғолиб чиқди. Ўтган мавсумда Серж Гнабри ва Кингсли Коман шундай ҳолатга тушган эди, энди эса навбат Джексонга келибди. Аслида кийиниш хонамизда муҳит жуда хотиржам. Жамоада Кейн, Луис Диас ва Майкл Олисе каби футболчилар борлигида доимий равишда майдонга тушиш қийин, аммо бугун Нико яхши ҳаракат қилди ва у шу руҳда давом этади деб умид қиламан», — дея Компанининг сўзларини келтирмоқда Bayern & Germany.

Эслатиб ўтамиз, Николас Джексон жорий мавсум якунига қадар «Челси»дан ижарага олинган.