Aeroflot Open g‘olibi Yan Nepomnyashiy turnirning 9-turida durang o‘ynagan yurtdoshimiz Muhammadzohid Suyarov haqida fikr bildirdi.

“Suyarov oq donalarda juda ehtiyotkor o‘ynadi. Men, albatta, g‘alaba uchun o‘ynashni xohladim, lekin yutuq yo‘lida vaziyatni yomonlashtirgim ham kelmadi.

Bir paytga kelib, mening pozisiyam yaxshiroq bo‘lib qoldi, uning esa vaqti kam edi. Ammo men aniq o‘ynamadim. U bir nechta kuchli yurishlarni topdi va pozisiyani tenglashtirdi. Bu yurishlarni topish oson emas edi, tan olish kerak”.

Rossiyalik grossmeyster Suyarovning oldingi partiyalarini ham eslab o‘tdi:

“Agar rostini aytsam, bu partiyada u oldingi uchta partiyadan ham yaxshiroq o‘ynadi. Chunki bizning matchdan oldin u Dubov, Grishchuk va Ryazansev ustidan ketma-ket uchta g‘alaba qozongan edi.

O‘sha partiyalarda u har safar deyarli yutqazayotgan holatda turgan, lekin raqiblari xato qilgan.

Albatta, shaxmatda doim xato qilish ehtimoli saqlanib turadi. Ammo bu safar ular yosh o‘zbek maestrosiga qarshi o‘yinni to‘liq nazorat qila olishmadi”.