«Manchester Yunayted»ning braziliyalik yarim himoyachisi Kazemiro Londonga ko‘chib o‘tishi mumkin. Bu haqda Topskills Sports nashri xabar bermoqda.

Manbaning ma’lumotiga ko‘ra, «Arsenal» 34 yoshli futbolchini mavsum yakunlanganidan so‘ng o‘z safiga qo‘shib olish uchun uning agenti bilan allaqachon bog‘langan. Kazemiro «kanonirlar» bosh murabbiyi Mikel Artetaga juda yoqadi va u bunday tajribali yarim himoyachining kelishi klubga yirik sovrinlarni qo‘lga kiritishda yordam beradi deb hisoblaydi.

Shu bilan birga, Kazemiro bilan «Milan» va «Yuventus» klublari ham aloqaga chiqqani aytilmoqda, biroq futbolchining o‘zi aynan «Arsenal»ga o‘tishni afzal ko‘rmoqda.

Joriy mavsumda braziliyalik futbolchi barcha turnirlarda 28 ta o‘yinda maydonga tushib, 6 ta gol urdi va 2 ta golli uzatmani amalga oshirdi. Xavbekning «Manchester Yunayted» bilan shartnomasi shu yozda nihoyasiga yetadi.