Ko‘rinishidan, «Chelsi» tarkibni kuchaytirish uchun yana mablag‘ sarflash niyatida. CaughtOffside nashri xabar berishicha, London klubi hujum chizig‘i uchun Darvin Nunyesni sotib olish imkoniyatini ko‘rib chiqmoqda.
2022-2025 yillarda Nunyes Angliyada «Liverpul» sharafini himoya qilgan. O‘tgan yozda urugvaylik futbolchi 53 million yevro evaziga «Al-Hilol»ga o‘tgan edi. O‘shandan beri Darvin 24 ta o‘yinda ishtirok etib, to‘qqizta gol urdi va beshta golli uzatmani amalga oshirdi.
Nufuzli Transfermarkt portali mutaxassislari 26 yoshli Darvin Nunyesni 35 million yevroga baholamoqda.
«Chelsi» ayni damda Premyer-liga turnir jadvalida beshinchi pog‘onani egallab turibdi.
