«Real» hujumchisi Vinisius Junior klubni Angliya Premyer-ligasidan yuqori darajadagi yarim himoyachini sotib olishga undamoqda. Vinisius «qirollik klubi» tarkibini hozirda «Liverpul» sharafini himoya qilayotgan Dominik Soboslai bilan kuchaytirishni istamoqda.

Transfer News Live nashrining Defensa Central’ga tayanib xabar berishicha, Vinisius Soboslaini «Real» uchun ideal kuchaytirish bo‘ladi deb hisoblaydi.

Avvalroq matbuotda Soboslaining «Real»da o‘ynash orzusi borligi haqida ma’lumotlar paydo bo‘lgan edi. Shu bilan birga, Vinisius vengriyalik futbolchi bilan munosabatlari yaxshi ekanligini va u bilan tez-tez muloqot qilib turishini ta’kidlagan.

Qayd etish lozimki, 25 yoshli Dominik Soboslai Transfermarkt portali tomonidan 85 million yevroga baholanmoqda.