«Liverpul» himoyachisi Endryu Robertson yanvar oyida «Tottenxem»ga o‘tishi mumkinligi haqidagi mish-mishlarga izoh berdi. Shotlandiyalik futbolchi ushbu ma’lumotni tasdiqladi.
«Yanvarda «Tottenxem» tomonidan qiziqish bo‘lgan edi, biroq men qolishga qaror qildim. Bu klub menga hamma narsani berdi va men ham bu klub uchun bor kuchimni berdim. Men o‘z ishimga doimo sodiq bo‘lganman. Kelajagim borasida bir qarorga kelishim bilan, bu haqda rasman e’lon qilinadi», — deya Robertsonning so‘zlarini keltirmoqda Fabrisio Romano.
Robertson 2017 yildan beri «Liverpul» sharafini himoya qilib kelmoqda. Uning «qizillar» bilan amaldagi shartnomasi 2026 yilning yoziga qadar mo‘ljallangan.
