Italiya A Seriyasining 28-turi doirasida markaziy uchrashuv bo‘lib o‘tdi, unda «Milan» nominal mezbon sifatida «Inter»ni qabul qildi va 1:0 hisobida g‘alaba qozondi.
Bahsning ikkinchi bo‘limi o‘rtalarida hakam ilk sariq kartochkani ko‘rsatdi. Rabyo bilan to‘qnashib ketgan Alessandro Bastoni ogohlantirildi.
Har ikki futbolchi maydonga yiqildi, biroq Rabyo o‘yinni davom ettirgan bo‘lsa, Bastoni sariq kartochka olishdan tashqari, qattiq oqsoqlangan holda maydonni tark etdi. «Inter» ustozi, ruminiyalik mutaxassis Kristian Kivu majburiy o‘zgarishni amalga oshirishga majbur bo‘ldi.
Uning o‘rniga maydonga Karlos Augusto tushdi. Eslatib o‘tamiz, «Milan» Pervis Estupinyanning goli evaziga g‘alaba qozondi.
