Londonning «Tottenxem» klubining ayrim muxlislariga Madridga uchayotgan samolyotda jamoaning sobiq bosh murabbiyi Maurisio Pochettino bilan birga bo‘lish baxti kulib boqdi. Talksport nashri ushbu qiziqarli video bilan bo‘lishdi.
Diqqatli muxlislar Ispaniya poytaxtiga ekonom-klassda uchayotgan argentinalik mutaxassisni tanib qolishdi. «Shporlar» ishqibozlari vaziyatdan foydalanib, Pochettinoga qo‘shiqlar bag‘ishlashdi va jamoaning so‘nggi muvaffaqiyatsiz natijalari fonida uni yana klubni boshqarishga chaqirishdi.
Eslatib o‘tamiz, seshanba oqshomida «Tottenxem»ni Chempionlar ligasi 1/8 finali doirasida «Atletiko»ga qarshi ilk o‘yin kutmoqda. Ayni damda londonliklarni Igor Tudor boshqarmoqda.













