Лондоннинг «Тоттенхэм» клубининг айрим мухлисларига Мадридга учаётган самолётда жамоанинг собиқ бош мураббийи Маурисио Почеттино билан бирга бўлиш бахти кулиб боқди. Talksport нашри ушбу қизиқарли видео билан бўлишди.
Диққатли мухлислар Испания пойтахтига эконом-классда учаётган аргентиналик мутахассисни таниб қолишди. «Шпорлар» ишқибозлари вазиятдан фойдаланиб, Почеттинога қўшиқлар бағишлашди ва жамоанинг сўнгги муваффақиятсиз натижалари фонида уни яна клубни бошқаришга чақиришди.
Эслатиб ўтамиз, сешанба оқшомида «Тоттенхэм»ни Чемпионлар лигаси 1/8 финали доирасида «Атлетико»га қарши илк ўйин кутмоқда. Айни дамда лондонликларни Игор Тудор бошқармоқда.
