"Galatasaroy" hujumchisi Viktor Osimhen turk klubining UYEFA Chempionlar Ligasi 1/8 final bosqichi doirasida "Liverpul"ga qarshi o‘yinida muxlislarning chiqishlari paytida yig‘lab yubordi. Muxlislar nigeriyalik futbolchiga uning futbol faoliyatining boshlanishini eslatuvchi banner bag‘ishladilar.
Muxlislar tribunada "Galatasaroy" formasini kiygan Osimhenning yoshligida qo‘lidan ushlab, chiqindixonadan olib chiqayotganini ko‘rsatuvchi chiqish qilishdi. Nigeriyalik futbolchi ilgari Lagosdagi Olusosun nomli xarobalar mavzesida o‘sganini aytib bergan edi. Uning so‘zlariga ko‘ra, u yerga har kuni 10 000 tonna axlat tashlanadi va mahalliy aholi chiqindixonadan olingan buyumlarni bozorda sotadi. Osimhenning so‘zlariga ko‘ra, u o‘zining birinchi futbol butsalarini aynan o‘sha yerda topgan.
