«Tottenxem» darvozaboni Antonin Kinski «Atletiko»ga qarshi Chempionlar ligasi 1/8 finali ilk uchrashuvining 17-daqiqasidayoq almashtirildi.
Bu vaqtga kelib London klubi 0:3 hisobida mag‘lubiyatga uchrayotgan edi. «Atletiko» Kinskining ikkita xatosi va Mikki van de Venning xatosidan so‘ng 15 daqiqa ichida 3 ta gol urdi.
Uchinchi goldan so‘ng «Tottenxem» murabbiyi Igor Tudor Kinskini Gulyelmo Vikarioga almashtirdi. Almashtirilganidan so‘ng Antonin darhol tribuna ostidagi kiyinish xonasiga yo‘l oldi.
Vikario maydonga tushganidan 5 daqiqa o‘tib gol o‘tkazib yubordi. Ayni daqiqalarda «Atletiko» 4:1 hisobida oldinda bormoqda.
