"Arsenal" hujumchisi Kay Xavers "Bayer"ga qarshi Chempionlar Ligasi o‘yini oldidan jurnalistlar bilan suhbatlashdi.
26 yoshli futbolchi yaqinda jarohatidan forig‘ bo‘ldi. Angliya kubogi doirasida "Mansfild Taun"ga qarshi o‘yinda nemis futbolchisi bir oy ichida birinchi marta maydonga tushdi.
"Men o‘ynashga 100% tayyorman va o‘zimni to‘liq sog‘lom his qilyapman. Mavsumning qolgan o‘yinlarida jamoaga yordam berishni intiqlik bilan kutyapman", dedi Xavers matbuot anjumanida.













