«Barselona» himoyachisi Ronald Arauxo Chempionlar ligasi 1/8 finali doirasida «Nyukasl»ga qarshi kechgan dastlabki o‘yindagi (1:1) jamoa ishtirokini baholadi.
«Ko‘k-anorranglilar» 86-daqiqada gol o‘tkazib yuborishdi, biroq 96-daqiqada Lamin Yamalning penaltidan kiritgan goli evaziga mag‘lubiyatdan qutulib qolishdi.
«Biz kutganimizdek o‘yin ko‘rsata olmadik, ammo shuni ta’kidlash joizki, Ispaniya kubogi doirasida «Atletiko»ga qarshi dastlabki bahsdagi 0:4 hisobidagi mag‘lubiyatdan to‘g‘ri xulosa chiqardik. Menimcha, bugun biz oqilona harakat qildik. Chempionlar ligasida o‘yinlarga to‘g‘ri yondashish juda muhim — bu safar biz buning uddasidan chiqdik», — deya The Touchline nashri Arauxoning so‘zlaridan iqtibos keltiradi.
Chorak final yo‘llanmasi taqdiri 18 mart kuni «Kamp Nou» stadionida hal bo‘ladi.
