«Барселона» ҳимоячиси Рональд Араухо Чемпионлар лигаси 1/8 финали доирасида «Ньюкасл»га қарши кечган дастлабки ўйиндаги (1:1) жамоа иштирокини баҳолади.
«Кўк-анорранглилар» 86-дақиқада гол ўтказиб юборишди, бироқ 96-дақиқада Ламин Ямалнинг пенальтидан киритган голи эвазига мағлубиятдан қутулиб қолишди.
«Биз кутганимиздек ўйин кўрсата олмадик, аммо шуни таъкидлаш жоизки, Испания кубоги доирасида «Атлетико»га қарши дастлабки баҳсдаги 0:4 ҳисобидаги мағлубиятдан тўғри хулоса чиқардик. Менимча, бугун биз оқилона ҳаракат қилдик. Чемпионлар лигасида ўйинларга тўғри ёндашиш жуда муҳим — бу сафар биз бунинг уддасидан чиқдик», — дея The Touchline нашри Араухонинг сўзларидан иқтибос келтиради.
Чорак финал йўлланмаси тақдири 18 март куни «Камп Ноу» стадионида ҳал бўлади.
