Chempionlar Ligasi 1/8 finalidan o‘rin olgan "Real Madrid" va "Manchester Siti" o‘rtasidagi dastlabki uchrashuvning birinchi bo‘limi yakunlandi. O‘yin boshida "shaharliklar" raqib darvozasi oldida faol harakat qilishgan bo‘lsa-da, birinchi bo‘limning yarmiga kelib vaziyat butunlay o‘zgardi. Bo‘lim yakuniga qadar "qaymoqranglilar" raqib darvozasiga uchta gol urishga muvaffaq bo‘lishdi — tabloda 3:0 hisobi porlab turibdi.
Birinchi bo‘limning bosh qahramoni Federiko Valverde bo‘ldi — urugvaylik futbolchi xet-trik qayd etdi. Valverde 20, 27 va 42-daqiqalarda Djanluidji Donnarumma qo‘riqlayotgan darvozani ishg‘ol qildi.
Shuni alohida ta’kidlash kerakki, darvozabon Tibo Kurtua jamoasining dastlabki golida assistentlik vazifasini bajarib berdi.
