Чемпионлар Лигаси 1/8 финалидан ўрин олган "Реал Мадрид" ва "Манчестер Сити" ўртасидаги дастлабки учрашувнинг биринчи бўлими якунланди. Ўйин бошида "шаҳарликлар" рақиб дарвозаси олдида фаол ҳаракат қилишган бўлса-да, биринчи бўлимнинг ярмига келиб вазият бутунлай ўзгарди. Бўлим якунига қадар "қаймоқранглилар" рақиб дарвозасига учта гол уришга муваффақ бўлишди — таблода 3:0 ҳисоби порлаб турибди.
Биринчи бўлимнинг бош қаҳрамони Федерико Вальверде бўлди — уругвайлик футболчи хет-трик қайд этди. Вальверде 20, 27 ва 42-дақиқаларда Джанлуиджи Доннарумма қўриқлаётган дарвозани ишғол қилди.
Шуни алоҳида таъкидлаш керакки, дарвозабон Тибо Куртуа жамоасининг дастлабки голида ассистентлик вазифасини бажариб берди.
