«Manchester Siti» Chempionlar ligasi 1/8 finali doirasida «Santyago Bernabeu» stadionida kechgan bahsda Madridning «Real» klubiga yirik hisobda (0:3) imkoniyatni boy berdi.

Uchrashuv taqdirini «qaymoqranglilar» yarim himoyachisi Federiko Valverde tomonidan qayd etilgan xet-trik hal qildi. Opta ma’lumotlariga ko‘ra, bu Xosep Gvardiola jamoalari uchun Chempionlar ligasi pley-off bosqichining ilk o‘yinlaridagi eng yirik mag‘lubiyat bo‘ldi. Bungacha murabbiy yana ikki bor shunday natija qayd etgan: 2017/18 yilgi mavsumda «Liverpul»dan (chorak finalda 0:3) va 2014/15 yilgi mavsumda «Barselona»dan (yarim finalda 0:3) mag‘lub bo‘lgan. So‘nggi holat ispaniyalik mutaxassis «Bavariya»da ishlayotgan davrga to‘g‘ri kelgan edi.

Xosep Gvardiola 2016 yilning yozida «Manchester Siti» boshqaruvini qo‘lga olgan. Uning Premyer-liga grandi bilan amaldagi shartnomasi 2027 yilning o‘rtalariga qadar mo‘ljallangan.