"Barselona" klubining sobiq futbolchisi va murabbiyi Xavi ijtimoiy tarmoqlarda yangi post qoldirdi. Xavi Madridning "Real" jamoasi darvozasiga urilgan golni nishonlayotgani aks etgan eski suratini joylashtirdi.
"Haqiqat bilan biz oldinga intilamiz! Qalbimda doim "Barsa" bilan birgaman! Yashasin "Barsa"!" – deb yozib qoldirdi Xavi surat ostidagi izohda.
Yaqinda Xavi bergan intervyusida "Barselona"ning sobiq prezidenti Joan Laportani yolg‘onchilikda ayblagan edi. Laporta yangi muddat uchun o‘z nomzodini ilgari surgan. Xavi esa ikkinchi nomzod – Viktor Fontni qo‘llab-quvvatlamoqda.
"Barselona" prezidenti saylovi 15 mart kuni bo‘lib o‘tadi.
Ayni damda "Barselona" Ispaniya chempionati turnir jadvalida peshqadamlik qilmoqda.
