"Manchester Yunayted" bosh murabbiyi Maykl Kerrik himoyachi Xarri Maguayr haqida o‘z fikrlarini bildirdi.

"Xarri yaxshi o‘ynayapti, bu kunday ravshan. Yaqin orada u uzoq vaqt maydonga tusha olmagan edi, shu sababli uning jismoniy yuklamalarini bir oz tartibga solishga to‘g‘ri keldi. U o‘z tajribasini ko‘rsata oldi. Agar u qachondir Angliya terma jamoasi nazaridan chetda qolgan bo‘lsa, endi yana radarlarga qaytdi", — dedi Kerrik juma kungi matbuot anjumanida.

"Manchester Yunayted" navbatdagi o‘yinini yakshanba kuni, 15 mart kuni o‘z maydonida "Aston Villa"ga qarshi o‘tkazadi. "Old Trafford"dagi bahs Toshkent vaqti bilan soat 19:00 da boshlanadi.