"Манчестер Юнайтед" бош мураббийи Майкл Кэррик ҳимоячи Харри Магуайр ҳақида ўз фикрларини билдирди.
"Харри яхши ўйнаяпти, бу кундай равшан. Яқин орада у узоқ вақт майдонга туша олмаган эди, шу сабабли унинг жисмоний юкламаларини бир оз тартибга солишга тўғри келди. У ўз тажрибасини кўрсата олди. Агар у қачондир Англия терма жамоаси назаридан четда қолган бўлса, энди яна радарларга қайтди", — деди Кэррик жума кунги матбуот анжуманида.
"Манчестер Юнайтед" навбатдаги ўйинини якшанба куни, 15 март куни ўз майдонида "Астон Вилла"га қарши ўтказади. "Олд Траффорд"даги баҳс Тошкент вақти билан соат 19:00 да бошланади.
