"Chelsi" hujumchisi Pedru Netu diskvalifikasiya qilindi. Angliya Futbol assosiasiyasi yaqinda bo‘lib o‘tgan "Arsenal"ga qarshi derbidagi chetlatishdan so‘ng portugaliyalik futbolchini nosportcha xulq-atvori uchun bir o‘yinga chetlatdi.

Bundan tashqari, Netu 70 ming funt (81 ming yevro) miqdorida jarimaga tortildi. Ta’kidlash joizki, Pedru Netu bir o‘yinlik taqiqni allaqachon o‘tab bo‘lgan — bu jazo bevosita bir o‘yinda ikkita ogohlantirish olgani uchun qo‘llangan edi. Endi esa yangi diskvalifikasiya sababli portugaliyalik futbolchi "Nyukasl"ga qarshi bahsda ham ishtirok eta olmaydi.

"Chelsi" — "Nyukasl" uchrashuvi shanba kuni, 14 mart kuni bo‘lib o‘tadi.