«Liverpul» darvozaboni Alisson safga qaytishga yaqin turibdi. Braziliyalik posbon hafta o‘rtasida Chempionlar ligasi doirasida «Galatasaroy»ga qarshi kechgan o‘yinni o‘tkazib yuborgan edi. Jamoa bosh murabbiyi Arne Slot tez orada Alissonni maydonda ko‘rishdan umidvor.
«Alisson shu paytgacha fizioterapevtlar bilan shug‘ullandi va reabilitasiya jarayonini o‘tadi. Bugun uning umumiy guruhda mashg‘ulot o‘tkaza olishini tekshirib ko‘ramiz. Men buni kutyapman va bunga umid qilyapman. Ammo hozircha 100 foiz amin emasman. Tibbiy xodimlar va futbolchining o‘zi bilan gaplashib olishimiz kerak», — dedi Slot matbuot anjumanida.
Shuni ta’kidlash joizki, matbuot anjumani juma kuni, jamoaning mashg‘ulotidan oldin bo‘lib o‘tgan.
«Liverpul» navbatdagi uchrashuvini 15 mart kuni o‘z maydonida «Tottenxem»ga qarshi o‘tkazadi.
