«Barselona» yakshanba kuni o‘z maydonida «Sevilya»ga qarshi o‘yin o‘tkazadi. Uchrashuv kataloniya klubi prezidenti saylovi kuniga to‘g‘ri kelmoqda — ushbu lavozimga Joan Laporta va Viktor Font nomzod sifatida ko‘rsatilgan. «Ko‘k-anorranglilar» bosh murabbiyi Xans-Diter Flik o‘yinning saylov kunida o‘tkazilishi biror-bir tarzda ta’sir qilishi mumkinmi, degan savolga javob berdi.

«Biz 100 foiz e’tiborimizni o‘yinga qaratganmiz. Maqsadimiz — oldinda turgan barcha uchta uy uchrashuvida g‘alaba qozonish. Biz «Sevilya»ning kuchli tomonlarini bilamiz. Ular bizni avval mag‘lub etishgan, ular yuqori pressing ishlatishadi. Ammo biz g‘alaba qozonishni istaymiz», — dedi Flik matbuot anjumanida.

«Barselona» va «Sevilya» jamoalari 15 mart kuni Toshkent vaqti bilan soat 20:15 da o‘yinni boshlashadi.