«Arsenal» o‘z maydonida Angliya chempionatining 2025/26 yilgi mavsumi 30-turi doirasida «Everton»ni mag‘lub etdi — 2:0. Uchrashuv «Emireyts» stadionida bo‘lib o‘tdi.
O‘yinning 89-daqiqasida Viktor Dyokeresh hisobni ochgan bo‘lsa, 90+7-daqiqada 16 yoshli yarim himoyachi Maks Douman o‘z hisobiga gol yozdirib qo‘ydi.
«Arsenal» butun o‘yin davomida raqib darvozasiga beshta aniq zarba yo‘lladi, «Everton» esa uchta zarba bilan javob qaytardi. Uchrashuv bosh hakami Endryu Medli o‘yin davomida birorta ham kartochka ko‘rsatmadi.
Londonliklar APLda ketma-ket to‘rtinchi g‘alabasini qo‘lga kiritishdi. Jamoa 70 ochko bilan turnir jadvalida peshqadamlikni saqlab turibdi. «Everton» 43 ochko bilan sakkizinchi pog‘onani egallab turibdi.
Angliya Premyer-ligasi. 30-tur
14.03.2026 | 22:30
«Emireyts», London
«ARSENAL» — «EVERTON» — 2:0
Gollar: Dyokeresh 89 (1:0), Douman 90+7 (2:0).
«Arsenal»: Rayya, Saliba, Gabriel Magalyayns, Kalafyori (InkapYE, 74), Timber (Moskera, 38), Subimendi (Douman, 74), Rays, Eze, Madueke (Martinelli, 61), Saka, Xavers (Dyokeresh, 61).
«Everton»: Pikford, Kin, O`Brayen, Mikolenko, Garner, Gana Guye (Djordj, 90+5), Iroegbunam (Rel, 86), Dyusberi-Xoll, Ndiay, Makneyl (Armstrong, 86), Betu (Barri, 69).
