«Арсенал» ўз майдонида Англия чемпионатининг 2025/26 йилги мавсуми 30-тури доирасида «Эвертон»ни мағлуб этди — 2:0. Учрашув «Эмирейтс» стадионида бўлиб ўтди.
Ўйиннинг 89-дақиқасида Виктор Дьёкереш ҳисобни очган бўлса, 90+7-дақиқада 16 ёшли ярим ҳимоячи Макс Доуман ўз ҳисобига гол ёздириб қўйди.
«Арсенал» бутун ўйин давомида рақиб дарвозасига бешта аниқ зарба йўллади, «Эвертон» эса учта зарба билан жавоб қайтарди. Учрашув бош ҳаками Эндрю Мэдли ўйин давомида бирорта ҳам карточка кўрсатмади.
Лондонликлар АПЛда кетма-кет тўртинчи ғалабасини қўлга киритишди. Жамоа 70 очко билан турнир жадвалида пешқадамликни сақлаб турибди. «Эвертон» 43 очко билан саккизинчи поғонани эгаллаб турибди.
Англия Премьер-лигаси. 30-тур
14.03.2026 | 22:30
«Эмирейтс», Лондон
«АРСЕНАЛ» — «ЭВЕРТОН» — 2:0
Голлар: Дьёкереш 89 (1:0), Доуман 90+7 (2:0).
«Арсенал»: Райя, Салиба, Габриэл Магальяйнс, Калафьори (Инкапье, 74), Тимбер (Москера, 38), Субименди (Доуман, 74), Райс, Эзе, Мадуэке (Мартинелли, 61), Сака, Хаверц (Дьёкереш, 61).
«Эвертон»: Пикфорд, Кин, О`Брайен, Миколенко, Гарнер, Гана Гуйе (Джордж, 90+5), Ироэгбунам (Рель, 86), Дьюсбери-Холл, Ндиай, Макнейл (Армстронг, 86), Бету (Барри, 69).
