Mashhur italiyalik murabbiy Fabio Kapello «San-Siro» stadionida bo‘lib o‘tgan «Inter»ning «Atalanta»ga qarshi o‘yini haqidagi taassurotlari bilan o‘rtoqlashdi.

«Kecha men «San-Siro»da bo‘ldim va jismoniy tayyorgarlik jihatidan yaqqol ajralib turmagan «Inter»ni ko‘rdim. So‘nggi vaqtlarda Kivu biroz adashayotgandek taassurot uyg‘onmoqda», — deya ta’kidladi Kapello.

Murabbiy jamoaga ko‘proq jismoniy faollik va ishonch kerakligini, alohida futbolchilar esa jamoaning umumiy o‘yiniga ta’sir o‘tkazishi mumkinligini qayd etdi.

«Atalanta»ga qarshi bahsda Kivu shogirdlari 1:1 hisobida durang o‘ynashdi. Espozitoning goliga Krstovich javob qaytardi. Uchrashuvning 85-daqiqasida hakam «Inter» bosh murabbiyi Kivuni maydondan chetlatdi.

Chempionatda milanliklar 68 ochko bilan ishonchli tarzda peshqadamlik qilmoqda, ikkinchi o‘rindagi «Milan» hisobida esa 60 ochko va bitta zaxira o‘yini mavjud.