Igor Tudor yaqin kelajakda "Tottenxem" bosh murabbiyi lavozimini tark etishi mumkin.
The Touchline nashrining xabar berishicha, xorvatiyalik murabbiyga ultimatum qo‘yilgan: agar "Tottenxem" yakshanba kuni safarda "Liverpul"ga yutqazib, yomon o‘yin ko‘rsatishda davom etsa, Tudor ishdan bo‘shatilishi mumkin.
"Tottenxem" rahbariyati jarohatlar va boshqa omillar natijalarga salbiy ta’sir ko‘rsatishini tushunadi.
Shu bilan birga, rahbariyat Tudorning klub va uning hozirgi holati haqidagi ochiqchasiga aytgan gaplari vaziyatni yanada yomonlashtirganiga ishonadi.
