«Liverpul» bosh murabbiyi Arne Slot «Tottenxem»ga qarshi uchrashuvda vinger Rio Ngumoxaning ko‘rsatgan o‘yini haqida o‘z fikrlari bilan o‘rtoqlashdi.
17 yoshli futbolchi «qizillar»ning asosiy tarkibida maydonga tushdi va o‘zini yorqin tarzda ko‘rsata oldi. Vunderkind maydonda atigi 64 daqiqa harakat qilgan bo‘lsa-da, muvaffaqiyatli aldamchi harakatlar (dribling) soni bo‘yicha eng yaxshi natijani (ettita) qayd etdi.
«Rio o‘yindan zavq oldi, buni kuzatish men uchun ham yoqimli bo‘ldi. U ushbu mavsum davomida sezilarli darajada o‘sishga erishdi. U bor-yo‘g‘i 17 yoshda, Premyer-ligada ilk bor asosiy tarkibda maydonga tushdi, lekin raqiblar uchun doimiy ravishda xavf tug‘dirib turdi. Shubhasiz, bu o‘yinning ijobiy jihatlaridan biridir», — dedi Slot.
