«Manchester Yunayted» faxriysi Ueyn Runi Maykl Kerrikning «qizil iblislar» boshqaruvidagi ishi haqida o‘z fikrlari bilan o‘rtoqlashdi. Mutaxassis joriy mavsum yakuniga qadar «MYU»ning vaqtinchalik murabbiyi etib tayinlangan edi. U qishda iste’foga chiqarilgan Ruben Amorimning o‘rnini egalladi.
Runining hisoblashicha, Kerrik doimiy asosda «Yunayted» bosh murabbiyi lavozimini olishi kerak. Ueyn hozirgi vaziyatda «MYU»da ustozni almashtirishdan ma’no ko‘rmayapti.
«Maykl Kerrik bu ishni 100 foiz olishi kerak. Men uni juda yaxshi taniyman... Uning xarakterini, shaxsiyatini bilaman. Undan yaxshi murabbiy chiqishini tushungandim.
Biz «MYU» sifatliroq va jamoa sifatida ancha jipslashgan holda o‘ynayotganini ko‘ryapmiz. Hozirda «Yunayted» kuchli jamoa bo‘lib ko‘rinmoqda. Menimcha, nimanidir o‘zgartirishdan nima naf? Kerrik «Manchester Yunayted»ning barcha murabbiylari orasida eng yaxshi g‘alaba foiziga ega. Mening fikrimcha, u bu lavozimga loyiq», — dedi Runi.
