"Inter"ning armanistonlik yarim himoyachisi Genrix Mxitaryan jarohat oldi, gap mushaklar cho‘zilishi haqida ketmoqda. Bu futbolchining bir nechta o‘yinlarni o‘tkazib yuborishi mumkinligini anglatadi.

"Inter"ning A Seriya doirasidagi navbatdagi — "Fiorentina"ga qarshi uchrashuvini Mxitaryan o‘tkazib yuborishi deyarli aniq. Shuningdek, uning aprel oyi boshida bo‘lib o‘tadigan jiddiyroq raqib — poytaxtning "Roma" klubi bilan o‘yingacha ham tiklana olmaslik ehtimoli mavjud. Bu haqda fcinter1908.it nashri xabar bermoqda.

Ma’lumot uchun, o‘tgan turda "Roma" "Komo"dan mag‘lubiyatga uchragan bo‘lsa, "Inter" ham o‘tgan dam olish kunlarida unchalik muvaffaqiyatli o‘ynamadi — "Atalanta" bilan 1:1 hisobida durang qayd etdi. Shunga qaramay, milanliklar A Seriya turnir jadvalida yaqin ta’qibchisi "Milan"dan sakkiz ochko oldinda borgan holda peshqadamlik qilmoqda.