"Интер"нинг арманистонлик ярим ҳимоячиси Генрих Мхитарян жароҳат олди, гап мушаклар чўзилиши ҳақида кетмоқда. Бу футболчининг бир нечта ўйинларни ўтказиб юбориши мумкинлигини англатади.
"Интер"нинг А Серия доирасидаги навбатдаги — "Фиорентина"га қарши учрашувини Мхитарян ўтказиб юбориши деярли аниқ. Шунингдек, унинг апрель ойи бошида бўлиб ўтадиган жиддийроқ рақиб — пойтахтнинг "Рома" клуби билан ўйингача ҳам тиклана олмаслик эҳтимоли мавжуд. Бу ҳақда fcinter1908.it нашри хабар бермоқда.
Маълумот учун, ўтган турда "Рома" "Комо"дан мағлубиятга учраган бўлса, "Интер" ҳам ўтган дам олиш кунларида унчалик муваффақиятли ўйнамади — "Аталанта" билан 1:1 ҳисобида дуранг қайд этди. Шунга қарамай, миланликлар А Серия турнир жадвалида яқин таъқибчиси "Милан"дан саккиз очко олдинда борган ҳолда пешқадамлик қилмоқда.
