Kataloniyaning "Barselona" klubi Ispaniya chempionatining 28-turida "Sevilya" darvozasiga naq beshta gol urdi — 5:2. Shu tariqa, "Barsa" joriy mavsumning dastlabki 28 ta o‘yinining barchasida gol urishga muvaffaq bo‘ldi. Hatto eng omadsiz kechgan bahslarda ham kataloniyaliklar maydonni kamida bitta golsiz tark etishmayapti.
Ushbu ko‘rsatkich bo‘yicha ular 1991/1992 yilgi mavsum rekordini yangilashdi. O‘shanda "Barselona" chempionatning dastlabki 27 ta o‘yinida gol urgan edi. Biroq o‘sha paytda Yoxan Kroyf jamoasi 28 ta o‘yindan so‘ng 57 ta gol urgan bo‘lsa, hozirda Xansi Flik shogirdlari hisobida naq 77 ta gol mavjud.
To‘g‘ri, klub tarixida alohida ajralib turadigan yana bir mavsum bor — 2012/2013 yilgi mavsumda "Barsa" chempionatning barcha o‘yinlarida raqiblar darvozasini ishg‘ol qilishni uddalagan edi.
