Каталониянинг "Барселона" клуби Испания чемпионатининг 28-турида "Севилья" дарвозасига нақ бешта гол урди — 5:2. Шу тариқа, "Барса" жорий мавсумнинг дастлабки 28 та ўйинининг барчасида гол уришга муваффақ бўлди. Ҳатто энг омадсиз кечган баҳсларда ҳам каталонияликлар майдонни камида битта голсиз тарк этишмаяпти.
Ушбу кўрсаткич бўйича улар 1991/1992 йилги мавсум рекордини янгилашди. Ўшанда "Барселона" чемпионатнинг дастлабки 27 та ўйинида гол урган эди. Бироқ ўша пайтда Йохан Кройф жамоаси 28 та ўйиндан сўнг 57 та гол урган бўлса, ҳозирда Ханси Флик шогирдлари ҳисобида нақ 77 та гол мавжуд.
Тўғри, клуб тарихида алоҳида ажралиб турадиган яна бир мавсум бор — 2012/2013 йилги мавсумда "Барса" чемпионатнинг барча ўйинларида рақиблар дарвозасини ишғол қилишни уддалаган эди.
